Ai 09 de jügn él gnü tigni a Valdaora les Seniorenmeisterschaften, manifestaziun organisada da y por les Ciases de Palsa de döt Südtirol. Indöt él sté 26 strotöres che á tut pert cun deplü "atlec/atletes". Tratan les disciplines desvalies sciöche chidlé o salté n parcour mo ince defilada por cerne les malietes plü beles, á i/les partezipanc/antes podü mostré söes abilités.

La Ciasa de Palsa Ojöp Frëinademetz s'á porté a ciasa döes deventes tles categories dl chidlé y deplü de bogn plazamënc che á porté pro al 2. plazamënt general sciöche strotöra.
A pert la competiziun sana danter i atlec y les atletes, é le de sté sënzater sot al sëgn dla partezipaziun y devertimënt.

N gran dilan ti vá a nostes colaboradësses che á alené y acompagné i atlec a Valdaora y a chëres che á arjigné ca la festa de bëgngnü a S. Martin.