Ai 2 de dezëmber él gnü tigní te Ciasa de Palsa na incuntada danter l'Aministraziun dla Ciasa de Palsa Ojöp Frëinademetz A.P.S.P. y i ombolc y i/les assessurs/ies al sozial di Comuns dla Val Badia. Al é sté na ocajiun da presenté la strotöra dantadöt ai ombolc y ai assessurs/ies nüs/nöies, mo ince da presenté val' dac en cunt de berbesc y mëdes, personal y sorvisc de nosta strotöra. Ala fin unse ince fat n salt tl dagní por se arjigné ca, düc adöm, ales desfidades che se aspetará. Chiló él important ciaré y jí inant düc deboriada te na maniera coordinada y tl sëns de na bona colaboraziun suracomunala. N dilan ti vá ales aministraziuns de Comun por la bona colaboraziun y desponibilité.