La festa á metü man dales 9.30 cun n pice salüt da pert dl presidënt Mischi Giovanni y spo la Santa Mëssa zelebrada da Siur Klaus Sottsas, Siur Heinrich Perathoner y Siur Paul Campei y abelida cun les cianties dl grup Mosaic da Al Plan. Te süa pordica á Siur Klaus sotrisé l’importanza de n bun spirit che dess regné tla Ciasa de Palsa y danter sü abitanc y colaboradus/colaboradësses. Do i discursc da pert dl diretur Erlacher Valentin y dles autorités inviades ti él gnü ofrí ai tröc antergnüs n bun buffet arjigné ca dala ciasadafüch dla ciasa.

En bel dilan por le garaté dla festa ti vá a düc y dötes chi y chëres che á daidé arjigné ca y che á fat val sorvisc.