Vire y abité individualmënter y impó se sintí al sigü

La Ciasa de Palsa, che é gnüda restrotorada completamënter tl ann 2011, é atrezada aladô di criters abitatifs plü moderns y ti pîta assistënza y cura a 89 mëdes y berbesc de düc i livei de cura. La strotöra á 35 ciamenes da un n let y 27 ciamenes da dui lec partis sö te 4 reparc, de chisc un aposta por porsones amarades de demënza. Implü él ince 5 abitaziuns por le abité acompagné.

La Ciasa de Palsa pîta chëstes formes de assistënza y cura:

- guern a tëmp determiné

- guern a tëmp lunch o indeterminé

- guern ia por le de

- abité acompagné.

Tratan la sojornanza vëgn les mëdes y i berbesc assistis da nüsc doturs. I/Les usufruënc*ëntes dl abité acompagné mantëgn so dotur de ciasa. Dal lönesc al vëndres pitunse ince fisioterapia.

I formulars por fá domanda ciafëise sot a “documënc”

Por informaziuns o por na assunziun se periunse da contaté nosta responsabla tecnica dl’assistënza, siura Hochwieser Cecilia, danmisdé, ater co le mertesc, al numer de telefon 0474-524782.