La vita, insciö don Paolo, é na scincunda preziosa, de chëra che messun ciaré dal pröm al ultim momënt, y a chëra che messun ti dé cualité. Gejú nes á dé l'comandamënt da ti orëi bun ai atri sciöche a nos. Porchël messunse nes traté bun instësc, por traté bun i atri. Valgügn implësc la vita ma de laur, mo la vita ô dí ince palsé, se gode les beles cosses y s'la rí. Vire do la misericordia de Dî ô dí se orëi bun a nos instësc, y sce ara va, partí cun i atri te n iüst ecuiliber. Sce impiun la televijiun o ciarun ti foliec, se vëgnel metü dant scialdi ma de burtes notizies. La vita á döes perts, mo al stá a nos ti dé plü pëis a ci che nes fej ligrëza y dá cualité a nosta vita. I problems é sambëgn chiló, al n'é nia dagnëra Pasca, mo gonot Vëindres Sanc, dantadöt tla maratia y canche an vëgn plü vedli. L'ultima proa dla vita é la mort, mo dailó gnunse acompagná dal Signur adincuntra ala plenëza dla vita eterna. Sce baudiun, spo se rovinunse instësc la vita y gnun dürs. Messun vigni de porvé da fa l'miú, da chirí la ligrëza y tres na gauja por fa festa. Chësc é l'consëi de don Renner.